‘अंजीर’ खाण्याचे आपल्या आरोग्यासाठी आहेत हे लाभदायक फायदे
आपल्याला माहिती असेलच की ड्रायफ्रूट खाल्ल्याने आपल्याला भरपूर फायदे मिळतात. आणि आपण हे कुठे ना कुठे ऐकत असतो किव्हा वाचत असतो. परंतु तुम्हाला एक फळ माहितीये का ज्याचे तुम्ही फळ म्हणूनही सेवन करू शकता आणि तेच फळ वाळलं की त्याचे रूपांतर ड्राय फ्रूटमध्ये होतं. आणि त्या फळाच नाव आहे ‘अंजीर’.
अंजीराचे फळ रूप फार कमी लोकांनी बघितलेले असेल. मात्र ड्रायफ्रूट मधील अंजीर सर्वांनी पाहिलेलं असेल. पण फक्त ड्रायफ्रूट अंजीर नव्हे तर अंजीर फळ खाणं हे आपल्या शरीरासाठी अत्यंत लाभदायक आहे. जाणून घेऊयात अंजिराचे काही रहस्यमय फायदे.
अंजीराचे सेवन का करावे ? – अंजीरात आपल्या आरोग्यासाठी फायदेशीर असणारं असं विटॅमीन ए, सी आणि के असतं. तसंच पोटॅशियम, कॉपर, झिंक, आयर्न आणि कॅल्शियम यासारखे तत्वही असतात. १०० ग्राम वाळलेल्या अंजीरमध्ये २०९ कॅलरीज, ४ ग्राम प्रोटीन्स, १.५ ग्राम फॅट, ४८.६ ग्राम कार्बोहायड्रेट आणि ९.२ ग्राम फायबर असतं. अंजीरमध्ये दैवी देणगी म्हणजेच नैसर्गिक शुगरही असते.
अंजीर खाण्याचे हे आहेत शरीरासाठी लाभदायक फायदे –
अंजीर हृदयासाठी खूप उपयुक्त – अंजीराचे सेवन केल्यामुळे हृदयाचे काम एकदम मस्त सुरळीतपणे चालू राहण्यास मदत होते. आणि आपल्या शरीरात तयार होणाऱ्या फ्री रॅडिकल्सला संपवण्यासाठी अंजीरमध्ये आसलेले अँटिऑक्सिडंट हे मदत करतात. अंजीरमध्ये ओमेगा-३ आणि ओमेगा-6 फॅटी ऍसिड असतं जे आपलं हृदय सुरक्षित ठेवण्यास मदत करते.
मधुमेह नियंत्रणात – अंजीरमध्ये असलेल्या एक तत्वामुळे शरीरात इंसुलिन निर्माण करण्याची क्षमता वाढते आणि त्यामुळे डायबीटीज कंट्रोल करण्यात मदत होते.
कोलेस्ट्रॉल कमी करण्यास उपयोगी – अंजीरमध्ये सोल्यूबल फायबरचे जास्त प्रमाण असल्यामुळे शरीरामध्ये कोलेस्ट्रॉल कमी ठेवण्यासाठी मदत होते. तसंच फायबरमुळे पचन क्षमता वाढते आणि एक्स्ट्रा कोलेस्ट्रॉल शरीरातून नाहीसं होतं.
पचन क्षमता वाढवते अंजीर – अंजीरमध्ये असलेल्या डायट्री फायबरमुळेआपली पचन क्षमता वाढण्यास मदत होते. तसंच सतत अपचनाच्या समस्यांपासून अंजीर मानवी शरीराला सुरक्षित ठेवते.
ऍनिमियापासून अंजीर करते संरक्षण – जेंव्हा शरीरात आयर्न म्हणजेच लोहाची कमी होते, तेंव्हा ऍनिमिया होतो. मात्र अंजीरमध्ये मोठ्या प्रमाणात आयर्न असते त्यामुळे अंजीर ऍनिमिया कमी करण्यासाठी मदत करते.
दम्यापासून सुटका – अंजीरमध्ये असणाऱ्या काही महत्त्वाच्या घटकांमुळे शरीरात कफ कमी होतो. याचसोबत दम्यापासून देखील अंजीर आपलं संरक्षण करतो.
ब्लडप्रेशर पासून मुक्तता – अंजीरमध्ये असलेल्या पोटॅशियम आणि फायबरमुळे ब्लडप्रेशर कंट्रोल ठेवण्यात मदत होते.
हाडांसाठीही अंजीर फायद्याचं – अंजीरमध्ये असलेल्या कॅल्शियममुळे हाडं मजबूत राहण्यासाठी मदत होते. त्यामुळे रोज २-३ अंजीर खाणं मानविऊ शरीरसाठी फायद्याचं आहे
