जाणून घ्या काय आहेत अननस खाण्याचे फायदे ?

आपले आरोग्य निरोगी ठेवण्यासाठी दररोज फळे खाणे फायदेशीर ठरते. त्यातीलच एक फळ म्हणजे अननस. अननस हे अतिशय चवदार फळ आहे. त्याच्या मधूर चवीमुळे ते बहुतांश लोकांच्या आवडीचे फळ आहे. अननसाच्या सेवनाने आपल्याला अनेक फायदे होतात. ते फायदे कोणते आहेत, जाणून घ्या..

१. निरोगी आणि कोमल त्वचेसाठी मॅग्नेशियमची आवश्यकता असते आणि अननसामध्ये मॅग्नेशिअमचे प्रमाण जास्त असते. त्यामुळे अननस खाल्ल्याने त्वचा सुरकुत्या पडण्यापासून सुरक्षित राहते.

२. अननस या फळामध्ये भरपूर प्रमाणात व्हिटॅमिन ‘सी’ असते. व्हिटॅमिन ‘सी’मुळे शरीरातील रोगप्रतिकारक शक्ती वाढण्यास मदत होते. त्यामुळे नियमित अननसाचे सेवन करणे आरोग्यासाठी फायदेशीर ठरते.

३. अननस खाल्ल्याने पचनसंस्था सुधारण्यास मदत होते. अननसामध्ये असलेले ब्रोमेलन आपल्या शरीरात अमिनो अ‍ॅसिड तयार होण्यास प्रतिबंध करते.

४. अननसाचे सेवन केल्याने अपचन तसेच आळशीपणा या दोन्हीवरही मात करता येते.

५. अननसामध्ये असणाऱ्या विशिष्ट गुणधर्मामुळे हाडांना मजबूती मिळण्यास मदत होते.