झपाटलेला ‘या’ चित्रपटातील बाबा चमत्कार यांची आज आहे अशी परिस्थिती

झपाटलेला सारखा जबरदस्त चित्रपट मराठी चित्रपट सृष्टीत येऊन आज अनेक वर्षं झाली आहेत पण तरी सुद्धा या चित्रपटा बाबतची लोकप्रियता थोडीदेखील कमी झालेली नाहीये.

मराठी अभिनेते महेश कोठारे दिग्दर्शित हा त्याकाळी प्रचंड चित्रपट गाजला होता. मराठी मधल्या सगळ्यात भारी चित्रपटांच्या यादीत या चित्रपटाची गणना नक्कीच होते. या चित्रपटातील प्रत्येक व्यक्तिरेखा आजसुद्धा प्रेक्षकांच्या मनात जिवंत आहे.

या चित्रपटा मधील लक्ष्या, महेश, तात्या विंचू या पात्रां बरोबरच बाबा चमत्कार हे पात्र देखील मोठ्या प्रमाणावर गाजले होते. या चित्रपटात महेश कोठारे, लक्ष्मीकांत बेर्डे, निवेदिता सराफ यांसारख्या खूप मोठ्या आणि अनुभवी आणि चांगल्या कलाकारांनी भूमिका ह्या केल्या होत्या.

बाबा चमत्कार भूमिका साकारणारे कोण होते ? – झपाटलेला या चित्रपटाचे यश पाहून या चित्रपटाचा दुसरा भाग म्हणचेज झपाटलेला 2 तयार करण्यात आला होता. या चित्रपटात महेश कोठारे यांचे चिरंजीव आदिनाथ कोठारे मुख्य भूमिकेत होता. महेश कोठारे यांनी दिग्दर्शित केलेल्या या चित्रपटाला देखील प्रेक्षकांचा चांगला प्रतिसाद मिळाला होता. आणि या दोन्ही भागात आपल्याला बाबा चमत्कार ही व्यक्तिरेखा बघायला मिळाली होती. ही भूमिका राघवेंद्र कडकोळ नावाच्या एका मराठमोळ्या व्यक्तीने साकारली होती.

राघवेंद्र कडकोळ गेल्या अनेक वर्षांपासून मराठी चित्रपटसृष्टीत काम करत आहेत. त्यांनी अश्रूंची झाली फुले, रायगडाला जेव्हा जाग येते यांसारख्या अनेक नाटकांमध्ये खूप चांगल्या भूमिका साकारल्या आहेत. ब्लॅक अँड व्हाईट चित्रपटांपासून राघवेंद्र कडकोळ यांनी आपल्या चित्रपट कारकिर्दीला सुरुवात केली.

चित्रपट सृष्टीत येण्यामाघे आहे कथा – चित्रपटसृष्टीत येण्यामागे देखील एक रंजक अशी गोष्ट आहे. त्यांना नौदलात भरती व्हायचे होते. आणि त्यासाठी त्यांनी परीक्षा सुद्धा दिली होती. आणि ती परीक्षा पास झाल्यानंतर त्यांना जहाजावर पाठवण्यात आले.

सगळे काही सुरळीत सुरू असताना त्यांची पुन्हा मेडिकल टेस्ट करण्यात आली आणि त्यात त्यांच्या कानात दोष असल्याचे कारण देत त्यांना पुन्हा घरी पाठवण्यात आले. त्यांच्यासाठी हा खूपच मोठा धक्का होता. पण खचून न जाता त्यांनी पुढचे शिक्षण पूर्ण करण्याचा निर्णय घेतला. त्याच दरम्यान त्यांनी नाटकात काम करायला सुरुवात केली. त्यांनी सुरुवातीला नाटकांत खूपच छोट्या मोठ्या भूमिका साकारल्या. म्हणायला गेले तर त्यांनी नाटकाद्वारे त्यांनी आपल्या अभिनय कारकिर्दीला खऱ्या अर्थाने सुरुवात केली. ते नाटक सांभाळून नोकरी करत होते.

आर्थिक परिस्थिती अत्यंत बिकट – पण नाटकांच्या दौऱ्यामुळे सतत सुट्ट्या घ्याव्या लागत असल्याने त्यांना नोकरी सोडावी लागली. त्यांनी नाट्य आणि मराठी चित्रपटसृष्टीत त्यांची एक वेगळी ओळख निर्माण केली.राघवेंद्र यांची सध्याची आर्थिक परिस्थिती वाईट आहे आणि त्यांच्या मदतीला पालाश इल्डरली केअर अँड रिकव्हरी सेंटर हे धावून आलं आहे. ते आणि त्यांच्या पत्नी गेल्या काही महिन्यांपासून पुणे, बावधन येथील पालाश इल्डरली केअर अँड रिकव्हरी सेंटर येथे राहत आहेत.