‘या’ आजारांपासून दुर राहण्यासाठी खा भिजलेले हरभरे
आरोग्य निरोगी ठेवण्यासाठी तसेच बुद्धिमत्ता वाढवण्यासाठी अनेकजण नियमित बदाम खातात. परंतु, बदामाची किंमत जास्त असल्यामुळे सगळ्यांनाच दररोज बदाम खाणे शक्य होत नाही. बदामात असणारे सर्व घटक आपल्याला हरभऱ्यात सहज मिळतात. हरभऱयामध्ये प्रोटीन, फायबर, खनिजे, व्हिटॅमीन आणि लोहाचे प्रमाण जास्त असते. त्यामुळेच बदामाप्रमाणे रात्री हरभरे भिजवून सकाळी खाल्ल्याने अनेक समस्या दुर होतात. चला तर मग जाणून घ्या भिजलेले हरभरे खाण्याचे कोणते फायदे आहेत ते…
१. रोगप्रतिकार क्षमता वाढण्यास उपयुक्त – दररोज भिजलेल्या हरभरे खाल्ल्याने आपल्या शरीरातील रोग प्रतिकार क्षमता वाढण्यास मदत होते. त्यामुळे सतत होणाऱ्या आजारापासून आपली सुटका होते.
२. ऊर्जेचा चांगला स्त्रोत – नियमित सकाळी भिजलेले हरभरे खाल्ल्याने आपल्या शरीराला ऊर्जा मिळते. याचे दररोज सेवन केल्याने शारिरीक दुर्बलता कमी होते.
३. युरिन संबंधी सर्व समस्यांना उपयुक्त – तुम्हाला युरिन संबंधी काही समस्या असतील, तर भिजलेले हरभरे आणि गुळाचे सेवन करा. याच्या सेवनाने युरिन संबंधी सर्व समस्या दुर होतात.
४. किडनीच्या समस्यांना उपयुक्त – ज्या लोकांना किडनी संबंधीत समस्या असतील त्यांनी नियमित हरभऱ्याचे सेवन करावे. हरभऱ्याचे सेवन केल्याने आपल्या शरीरातील अतिरिक्त मीठ काढून टाकण्यास मदत होते. त्यामुळे किडनीचे आरोग्य चांगले राहण्यास मदत होते.
५. कफ कमी होण्यास मदत – भिजलेल्या हरभऱ्यामध्ये भरपूर प्रमाणात फाइबर्स असतात. त्यामुळे पचन क्रिया सुधारून पोट साफ होण्यास मदत होते. तसेच भिजलेले हरभऱ्याच्या सेवनाने कफ कमी होतो.
६. ह्रदयाच्या आरोग्यासाठी उपयुक्त – दररोज भिजलेल्या हरभऱ्याचे सेवन केल्याने आपल्या शरीरातील कॉलेस्ट्रोलची पातळी व्यवस्थित राहण्यास मदत होते. यामुळे ह्रदयसंबंधीत रोगांपासून आपली सुटका होते.
७. वजन वाढण्यासाठी उपयुक्त – ज्यांना आपले वजन वाढवायचे आहे, त्यांनी दररोज भिजलेल्या हरभऱ्यांच सेवन करावे. हाडे मजबूत होण्यासही याचा फायदा होतो.
