रिकाम्यापोटी साजूक तूप खाण्याचे आरोग्यदायी फायदे !
तुम्ही कधी विचार केला आहे का ? दररोज सकाळी झोपेतून उठल्यानंतर आपण काय खातो ? काय करतो ? किव्हा आपली लाईफस्टाईल कश्याप्रकारची आहे यावर बऱ्याच गोष्टी या अवलंबून असतात.
दररोज सकाळी झोपेतून उठल्यावर रिकाम्या पोटी कॉफी, चहा प्यायल्यास आरोग्यावर त्याचा वाईट परिणाम हा होतोच. मात्र आयुर्वेदानुसार सकाळी उठताच नाश्तापूर्वी साजूक तूप प्यायल्यास अनेक आजारांचा धोका कमी होण्यास मदत होते.
रिकाम्यापोटी साजूक तूप खाण्याचे हे आहेत आरोग्यदायी फायदे
१) मेंदूला अ‍ॅक्टिव्ह करण्यास मदत – सकाळी सकाळी रिकाम्या पोटी तूप खाल्ल्याने आपल्या मेंदूच्या नसांना उत्तमरीत्या चालना मिळते. त्याबरोबरच आपली स्मरणशक्ती मस्तपैकी तल्लख राहण्यास, आकलनक्षमता सुधारण्यास मदत होते. नियमित तूप खाल्ल्याने अल्झायमरसारख्या आजाराचा धोका कमी होण्यास मदत होते.
२) लठ्ठपणा आटोक्यात येतो – साजूक तूप आपल्या शरीरात असणारे फॅट्स कमी करण्यास मदत करत. नियमित सकाळी चमचाभर तूप खाल्ल्याने मेटॅबॉलिझम सुधारण्यास मदत होते. वजन आटोक्यात राहते.
३) त्वचा चमकदार होण्यास मदत – साजूक तूपामुळे त्वचेतील पेशी पुन्हा पुनरूज्जीवित होतात. यामुळे त्वचा चमकदार होते. सोबतच तूपामुळे त्वचा मुलायम होण्यास मदत होते.
4. केस मजबूत होण्यास मदत – अनेकांना केसगळतीचा त्रास जाणवतो. हार्मोनल बदल, पोषक आहाराचा अभाव, प्रदूषण, धूर, धूळ यामुळे केसांचे नुकसान होते. हळूहळू केस विरळ होतात. म्हणूनच केसांना मजबूत आणि घनदाट करण्यासाठी आहारात साजूक तूपाचा समावेश करावा.
अति तेथे माती हा नियम आहारालाही लागू आहे. त्यामुळे साजूक तूप आरोग्यदायी असले तरीही त्याचा आहारात समावेश करताना प्रमाणावर नियंत्रण ठेवणं गरजेचे आहे.
