काळ्या मनुक्यांच्या सेवनाने चमकदार दात, सुंदर केसांसह मिळतात हे ६ लाभ
आपल्या शरीराला पुरेशा प्रमाणात पोषण तत्त्वांचा पुरवठा व्हावा, यासाठी नियमित मर्यादित स्वरुपात सुकामेव्याचे सेवन करावे. यामध्ये काळ्या मनुक्यांचा आवर्जून समावेश करावा. शरीरासाठी आवश्यक असलेल्या पोषण तत्त्वांची मात्रा काळ्या मनुक्यांमध्ये भरपूर आहे. यातील घटक आपल्या आरोग्यासाठी आयुर्वेदिक औषधाप्रमाणे कार्य करतात.
शरीराला लोहाचा होतो पुरवठा – तुमच्या शरीरात रक्ताची कमतरता निर्माण झाली असल्यास डॉक्टरांच्या सल्ल्यानुसार आपल्या आहारामध्ये काळ्या मनुक्यांचा समावेश करावा. काळ्या मनुक्याच्या सेवनामुळे शरीराला लोहाचा पुरवठा होतो. यामुळे शरीरातील हिमोग्लोबिनची पातळी संतुलित राहण्यास मदत मिळते आणि रक्ताचीही कमतरता भरून निघते. तसंच यामुळे रक्तदाबाचीही समस्या नियंत्रणात राहण्यास मदत मिळते.
मुरुमांची समस्या होते दूर – चेहरा, खांदे आणि पाठीवर मुरुम असतील तर नियमित स्वरुपात काळ्या मनुक्यांचे सेवन करावे. कारण यामध्ये अँटी-ऑक्सिडंट्स भरपूर प्रमाणात असतात. हे घटक त्वचेशी संबंधित विकार नष्ट करण्याचे प्रयत्न करतात तसंच हानिकारक बॅक्टेरियांविरोधातही लढतात. त्वचेसाठीही काळे मनुके लाभदायक आहेत. काळ्या मनुक्यांचे पाणी प्यायल्याने शरीर योग्य पद्धतीने डिटॉक्स होते. यामुळे बद्धकोष्ठता, पोटाशी संबंधित समस्याही कमी होतात.
केसगळतीची समस्या – केसगळतीच्या समस्येमुळे त्रस्त असलेल्या महिलांनी नियमित काळ्या मनुक्यांचे सेवन करावे. यामुळे केसगळतीची समस्या दूर होण्यासह केसांची वाढ देखील चांगली होते. काळ्या मनुक्यामधील औषधी गुणधर्मामुळे केसांचा नैसर्गिक काळा रंग देखील टिकून राहण्यास मदत मिळते.
हाडे होतात बकळट – हाडांना बळकटी देण्यासाठी नियमित काळ्या मनुक्याचे सेवन करणं लाभदायक ठरू शकते. कारण यामध्ये पोटॅशिअम आणि कॅल्शिअमची मात्रा भरपूर असते. यामुळे शरीराच्या हाडांची घनता कमी होत नाही आणि शरीरातील कॅल्शिअमची कमतरता देखील भरून निघते. एकूणच शरीराची हाडे मजबूत होण्यास मदत मिळते.
चमकदार दात – दातांचा पिवळेपणा दूर करण्यासाठी आणि तोंडाचे आरोग्य निरोगी ठेवण्यासाठी नियमित एक ते दोन चमचे किंवा मूठभर काळे मनुके नीट चावून खावेत. काळ्या मनुक्यांमध्ये असणारे फायटो-केमिकल्स किडण्यापासून दातांचे संरक्षण करतात.
तसंच कोलेस्ट्रॉलची समस्या दूर करण्यासाठी नियमित काळे मनुके खाणे फायदेशीर ठरेल. कारण यामध्ये पॉलिफेनॉल्स मोठ्या प्रमाणात असते, जे शरीरातील खराब कोलेस्ट्रॉलची पातळी कमी करण्याचे कार्य करतात.
मित्रांनो हे आर्टिकल तुम्हाला आवडले असेल तर नक्की लाईक करा आणि आपल्या मित्रांबरोबर शेयर करायला विसरू नका. तसेच आपली प्रतिक्रिया कमेंट करून नक्की कळवा.
टीप – या लेखात दिलेली माहिती आणि सूचना ही सर्वसामान्य माहितीवर आधारित आहे. आम्ही याची पुष्टी करत नाही. याची अंबलबजावणी करण्यापूर्वी तज्ज्ञांसोबत संपर्क साधावा.
