पराभवानंतर भारतीय संघाला बसला अजून एक मोठा धक्का, वनडे मालिकेतून…

पराभवानंतर भारतीय संघाला बसला अजून एक मोठा धक्का, वनडे मालिकेतून…

भारतीय संघाला बांगलादेशविरुद्धच्या पहिल्या वनडे सामन्यात पराभव पत्करावा लागला. पण या पराभवानंतर भारतीय संघाला आता अजून एक मोठा धक्का बसला आहे. कारण भारताचा एक अनुभवी खेळाडू संपूर्ण मालिकेतून संघाबाहेर गेल्याचे समोर आले आहे. भारतीय संघ पहिला वनडे सामना जिंकेल, असे वाटत होते.

कारण भारताने बांगलादेशची ९ बाद १३६ अशी अवस्था केली होती. त्यामुळे फक्त एक विकेट भारतीय संघ लवकर मिळवेल आणि जिंकेल असे वाटत होते. पण या अखेरच्या विकेटनेच भारताला पराभवाचा धक्का दिला. बांगलादेशच्या अखेरच्या जोडीने ५१ धावांची अभेद्य भागीदारी रचली आणि भारताला पराभवाचा धक्का दिला.

पण या पराभवानंतर आता भारतीय संघाला अजून एक मोठा धक्का बसला आहे. भारतीय यापूर्वी न्यूझीलंडच्या दौऱ्यावर गेला होता. या दौऱ्यात भारताचा यष्टीरक्षक रिषभ पंतला दुखापत झाली होती. तो या दुखापचीमधून सावरेल, असे वाटत होते. त्यामुळे त्याची बांगलादेशच्या दौऱ्यासाठी निवड करण्यात आली होती. पण पंतची ही दुखापत अजून बरी झालेली नाही आणि तो सामना खेळण्यासाठी फिट नाही.

त्यामुळे बीसीसीआयने आज अखेर रिषभ पंत हा वनडे मालिकेत खेळणार नाही, हे स्पष्ट केले आहे. बीसीसीआयने याबाबतचे एक ट्विट केले आहे. या ट्विटमध्ये बीसीसीआयने पंत हा या वनडे मालिकेत खेळणार नाही आणि त्याला विश्रांती देण्यात आली आहे, हे स्पष्ट केले आहे. पण त्याचबरोबर पंतच्या जागी भारतीय संघात कोणाला संधी द्यायची हा निर्णय़ मात्र बीसीसीआयने घेतलेला नाही.

त्यामुळे आता पंतच्या जागी भारतीय संघात कोणता खेळाडू येणार, याची उत्सुकता सर्वांना असेल. न्यूझीलंडविरुद्धच्या वनडे मालिकेमध्ये पंतच्या पाठिला दुखापत झाली होती. या दौऱ्यातील तिसऱ्या वनडे सामन्यात पंतची दुखापत बळावली होती. त्यावेळी पंत हा आपल्या पाठीवर उपचार घेत असल्याचा फोटो व्हायरल झाला होता.

त्यावेळीच भारताला हा एक मोठआ धक्का बसू शकतो, असे म्हटले जात होते. पण आता बीसीसीआयने याबाबतची अधिकृत घोषणा केली आहे.

Team Hou De Viral