‘मी चुकले…’, शिवलीलाचा माफीनामा, परंतु शिवलीला ने का मागितली माफी ?

‘मी चुकले…’, शिवलीलाचा माफीनामा, परंतु शिवलीला ने का मागितली माफी ?

छोट्या पडद्यावर गाजणारा कार्यक्रम ‘बिग बॉस मराठी ३’ सोशल मीडियावर कायम चर्चेत असतो. बिग बॉस म्हणजे भांडणाचा अड्डा, चांगल्या व्यक्तीने कधीही बिग बॉसच्या घरात जाऊ नये, अशी अनेक वाक्य आपल्याला प्रेक्षकांच्या तोंडी ऐकायला मिळतात.

परंतु, बिग बॉसच्या घरात आलेल्या एका सदस्याला पाहून प्रेक्षकांच्या भुवया उंचावल्या होत्या. ती सदस्य म्हणजे लोकप्रिय कीर्तनकार शिवलीला पाटील. शिवलीला हिला कार्यक्रमात पाहून अनेकांना धक्का बसला होता. अनेकांनी शिवलीलाच्या या निर्णयावर जोरदार टीका केली होती. शिवलीलाला सोशल मीडियावर ट्रोलही करण्यात आलं होतं.

आता घरातून बाहेर पडल्यावर शिवलीलाने तिच्या संप्रदायाची जाहीर माफी मागितली आहे. दुसऱ्याच आठवड्यात प्रकृती ठीक नसल्याने शिवलीलाला घराबाहेर पडावं लागलं होतं. त्यानंतर एका वृत्तवाहिनीला दिलेल्या मुलाखतीत शिवलीलाने संपूर्ण वारकरी संप्रदायाची माफी मागितली आहे.

वृत्तवाहिनीसोबत बोलताना शिवलीला म्हणाली, ‘माझ्या ‘बिग बॉस मराठी ३’ मध्ये जाण्याच्या निर्णयामुळे वारकरी संप्रदाय दुखावला असेल तर मी त्यांची माफी मागते. माझा मार्ग चुकला असेलही पण माझा हेतू शुद्ध होता. यापुढे जेष्ठांचा सल्ला घेतल्याशिवाय मी असा निर्णय घेणार नाही.

माझ्या बिग बॉसमध्ये जाण्याने माझा वारकरी संप्रदाय आणि माझे जेष्ठ माझ्यावर नाराज आहेत. मी हात जोडून आणि नतमस्तक होत त्यांची माफी मागते. माझे विचार लोकांपर्यंत पोहोचवणे हा माझा शुद्ध हेतू होता. मी निवडलेला मार्ग चुकला पण माझा उद्देश प्रामाणिक होता.

‘बिग बॉसच्या घरात टिकून राहण्यासाठी सदस्यांना रोज नव्या दिव्यातून जावं लागतं. परंतु, शिवलीलाचं घरात जाणंच मुळात अनेक नेटकऱ्यांना रुचलं नव्हतं. तुम्ही चुकीचा निर्णय घेतला, लोक सांगे ब्रम्हज्ञान स्वतः कोरडे पाषाण अशा अनेक प्रतिक्रिया नेटकऱ्यांकडून दिल्या जात होत्या.

Team Hou De Viral