दुःखद ! हा प्रसिद्ध अभिनेता तुरुंगात, तर बहीण देतेय रुग्णालयात मृत्यूशी झुंज

दुःखद ! हा प्रसिद्ध अभिनेता तुरुंगात, तर बहीण देतेय रुग्णालयात मृत्यूशी झुंज

तुनिषा शर्मा आत्महत्या प्रकरणात अटक करण्यात आलेला अभिनेता शिझान खानची बहीण फलक नाज सध्या रुग्णालयात दाखल असून कुटुंबाची अवस्था बिकट आहे. शिझानची आई कहकशा फैझी यांनी आता सोशल मीडियाचा आधार घेतला आहे. त्यांचा मुलगा शिझान गेल्या एका महिन्यापासून तुरुंगात असून मुलगी फलक नाज रुग्णालयात दाखल आहे.

फलकच्या आजाराबद्दल अद्याप काही समजू शकलेलं नाही, मात्र तिची प्रकृती अचानक बिघडल्याचं सांगण्यात येत आहे. शिझान आणि फलकच्या आईने सोशल मीडियावर एक पोस्ट शेअर केली असून त्यांच्या कुटुंबीयांना कशाची शिक्षा दिली जात आहे, असा प्रश्न विचारला आहे.

त्यांनी आपल्या इन्स्टाग्राम स्टोरीवर फलकचा एक फोटो शेअर केला आहे ज्यात ती इस्पितळात बेडवर झोपलेली दिसत आहे. तिच्या हाताला सुई टोचलेली आहे. हा फोटो टाकत त्यांनी लिहिलं, फक्त वाट पाहणं. शिझान आणि फलकच्या आईने लिहिलं की, ‘मला समजत नाहीये की आमच्या कुटुंबाला कशासाठी आणि का शिक्षा दिली जात आहे?

माझा मुलगा शिझान गेल्या एका महिन्यापासून कोणत्याही पुराव्याशिवाय कैद्यांप्रमाणे तुरुंगात शिक्षा भोगत आहे. माझी मुलगी फलक रुग्णालयात दाखल आहे. शिझानचा धाकटा भाऊ ऑटिस्टिक मूल असून तो आजारी आहे. एखाद्या आईने दुसऱ्याच्या मुलावर आई म्हणून प्रेम करणे हा गुन्हा आहे का? हे बेकायदेशीर आहे का?’

तुनिषा शर्माबद्दल बोलत त्यांनी पुढे लिहिलं, ‘आम्हाला त्या मुलीवर प्रेम करण्याचा, तिच्यावर माया करण्याचा अधिकार नव्हता का? आम्ही मुस्लिम आहोत म्हणून? आमचा गुन्हा काय?’ तुनिषा शर्माने २४ डिसेंबर २०२२ रोजी ‘अली बाबा: दास्तान-ए-काबुल’ या टीव्ही शोच्या सेटवर गळफास लावून आत्महत्या केली. तुनिषाने को-स्टार शिझानच्या मेकअप रूममध्ये आत्महत्या केली.

आपल्या मुलीच्या मृत्यूमुळे संतापलेल्या वनिता शर्मा यांनी शिझानवर गंभीर आरोप केले. तेव्हा पोलिसांनी शिझानला ताब्यात घेतले. तेव्हापासून त्याला न्यायालयीन कोठडीत ठेवण्यात आलं आहे. याप्रकरणी पोलीस अधिक तपास करत आहेत.

Team Hou De Viral